اسرائیلی وزیرِ اعظم نیتن یاہو نے دعویٰ کیا ہے کہ ایران کے خلاف جاری کارروائی میں ان کے ملک نے اپنے نصف سے زائد اہداف حاصل کر لیے ہیں۔ ان کا کہنا تھا کہ اگرچہ اہم پیش رفت ہو چکی ہے، تاہم مشن کی تکمیل میں ابھی وقت درکار ہے اور اس کے لیے کوئی حتمی مدت مقرر نہیں کی گئی۔
انہوں نے مزید کہا کہ کارروائی کے دوران پاسدارانِ انقلاب کو بھاری نقصان پہنچایا گیا ہے، جبکہ اسرائیل اور امریکا ایران کے جوہری اور دفاعی ڈھانچے کو کمزور کرنے کے قریب ہیں۔ نیتن یاہو کے مطابق موجودہ ایرانی حکومت دباؤ کا شکار ہے، اور اسرائیل اس کی عسکری صلاحیت کو محدود کرنے کی کوشش جاری رکھے ہوئے ہے۔