بالی ووڈ اداکار سلمان خان نے سماجی کارکن سونم وانگچک سے بھوک ہڑتال ختم کرنے کی اپیل کرتے ہوئے طلبہ سے بھی گھروں کو واپس جانے کی درخواست کی ہے۔
انسٹاگرام پر جاری اپنے پیغام میں سلمان خان نے کہا کہ طلبہ کی تعلیم اور سلامتی سب سے اہم ہے، جبکہ حکومت نے معاملے پر کارروائی کی یقین دہانی کرائی ہے، اس لیے احتجاج کرنے والے طلبہ کو اپنے والدین کے پاس واپس چلے جانا چاہیے۔
سلمان خان نے سونم وانگچک سے مخاطب ہو کر کہا کہ وہ اپنی صحت کا خیال رکھیں، بھوک ہڑتال ختم کریں اور اپنی توانائی آئندہ کے لیے محفوظ رکھیں۔ دوسری جانب سونم وانگچک کا کہنا ہے کہ اگر حکومت مظاہرین کے خلاف کارروائی نہ کرنے کی ضمانت دے تو وہ بھوک ہڑتال ختم کرنے پر آمادہ ہیں۔