گوادر میں بڑی کارروائی، 1.2 ٹن چرس برآمد، دو ملزمان گرفتار

اینٹی نارکوٹکس فورس نے گوادر کے قریب پنجگور–تربت شاہراہ پر کارروائی کرتے ہوئے ایک ٹرک سے 1.2 ٹن چرس برآمد کر لی۔ حکام کے مطابق منشیات خفیہ خانوں میں چھپائی گئی تھی اور اس کی عالمی مارکیٹ میں مالیت تقریباً 66 ملین ڈالر سے زائد بتائی جا رہی ہے۔

کارروائی کے دوران دو اسمگلرز کو گرفتار کیا گیا، جنہوں نے ابتدائی تفتیش میں بتایا کہ منشیات افغانستان سے لائی گئی تھیں۔ ذرائع کے مطابق یہ نیٹ ورک گوادر کے راستے کشتیوں کے ذریعے خلیجی ممالک، یمن اور تنزانیہ تک سپلائی میں ملوث تھا۔ مزید گرفتاریوں کے لیے چھاپے جاری ہیں۔