کراچی میں بادلوں کا راج، تیز ہوائیں اور ہلکی بارش کی پیشگوئی

محکمۂ موسمیات کے مطابق کراچی میں آئندہ 24 گھنٹوں کے دوران موسم مرطوب اور جزوی ابر آلود رہنے کا امکان ہے۔ مختلف علاقوں میں تیز ہوائیں چل سکتی ہیں جبکہ ہلکی بوندا باندی بھی متوقع ہے۔ شہر کا زیادہ سے زیادہ درجۂ حرارت 33 سے 35 ڈگری سینٹی گریڈ رہنے کی توقع ہے، جبکہ ہوا میں نمی کا تناسب 78 فیصد اور سمندری ہواؤں کی رفتار 18 کلومیٹر فی گھنٹہ ریکارڈ کی گئی ہے۔