سعودی وزیر مملکت اور امام ترکی بن عبداللہ رائل ریزرو کے چیئرمین شہزادہ ترکی بن محمد نے ہوبارا بسٹرڈ بریڈنگ سینٹر کا دورہ کیا۔ دورے کے دوران انہیں مرکز میں جاری جدید افزائشی اور بحالی کے منصوبوں پر تفصیلی بریفنگ دی گئی۔
شہزادہ ترکی بن محمد نے قیادت کی جانب سے ماحولیاتی منصوبوں کی سرپرستی کو سراہتے ہوئے کہا کہ یہ اقدامات قدرتی وسائل کے تحفظ اور ماحولیاتی توازن کے فروغ میں اہم کردار ادا کر رہے ہیں۔ یہ سینٹر مملکت میں جنگلی حیات کی بحالی کے قومی منصوبوں میں ایک اہم حیثیت رکھتا ہے۔