آبنائے ہرمز بحران: سعودی عرب کا عالمی تجارت و توانائی کی سلامتی پر خطرات سے انتباہ

اقوام متحدہ میں سعودی عرب کے مندوب عبدالعزیز الواصل نے آبنائے ہرمز میں بڑھتی کشیدگی کے باعث عالمی تجارت اور توانائی کی سلامتی کو سنگین خطرات لاحق ہونے پر تشویش کا اظہار کیا ہے۔
انہوں نے سلامتی کونسل کے اجلاس میں کہا کہ اہم سمندری راستوں، خصوصاً آبنائے ہرمز میں کسی بھی رکاوٹ کے اثرات عالمی معیشت اور توانائی منڈیوں پر براہِ راست پڑ سکتے ہیں۔ ان کے مطابق سمندری نقل و حمل کی حفاظت ایک مشترکہ بین الاقوامی ذمہ داری ہے اور اس کے لیے عالمی قوانین کی پابندی ضروری ہے۔
سعودی مندوب نے خطے میں کشیدگی کم کرنے کے لیے سفارتی کوششوں اور مذاکرات کو واحد مؤثر راستہ قرار دیتے ہوئے بین الاقوامی برادری سے تعاون بڑھانے پر زور دیا۔