امریکا نے ایران کے کروڑوں ڈالر مالیت کے ڈیجیٹل اثاثے ضبط کر لیے

امریکی وزیرِ خزانہ اسکاٹ بیسنٹ کا کہنا ہے کہ امریکا نے ایران کے تقریباً 500 ملین ڈالرز مالیت کے ڈیجیٹل کرنسی اثاثے ضبط کر لیے ہیں۔
ان کے مطابق یہ کارروائی معاشی دباؤ بڑھانے کی مہم کا حصہ ہے، جس کا آغاز ڈونلڈ ٹرمپ کی ہدایت پر کیا گیا تھا۔ امریکی حکام کا کہنا ہے کہ مزید ممالک اور کمپنیوں پر بھی ایران سے تعلقات محدود کرنے کے لیے دباؤ ڈالا جا رہا ہے۔
امریکا نے ایرانی تیل خریدنے والوں کو بھی خبردار کیا ہے کہ وہ پابندیوں کی زد میں آ سکتے ہیں، جبکہ دنیا بھر میں ایرانی بینک اکاؤنٹس منجمد کرنے کا عمل بھی جاری ہے۔
دوسری جانب ایرانی قیادت نے ان اقدامات کو غیر مؤثر قرار دیتے ہوئے کہا ہے کہ اس طرح کی پالیسیوں سے عالمی سطح پر تیل کی قیمتوں میں اضافہ ہو سکتا ہے۔