کنسلٹنٹ انجینیئر اور فوٹوگرافر محمد بابللی نے سعودی عرب کے ثقافتی اور آثار قدیمہ کے خزانوں کو دنیا کے سامنے پیش کرنے کا منفرد کام کیا ہے۔ ان کا فوٹوگرافک سفر 1978 میں قبرص کے دورے سے شروع ہوا اور وقت کے ساتھ ساتھ یہ پبلشنگ پروجیکٹس میں بدل گیا۔
محمد بابللی نے ریاض اور اس کے گرد و نواح میں قدیم مقامات اور لینڈسکیپس کی دستاویزی فوٹوگرافی شروع کی، جس میں مدائن صالح، العلا اور حجاز ریلوے شامل ہیں۔ سنہ 2023 میں شائع ہونے والی ان کی کتاب نے سعودی عرب کی ثقافتی ورثے کو مرحلہ وار اور بصری انداز میں پیش کیا، جس میں تاریخی مقامات، انسانی آثار، اسلامی عہد اور جدید سعودی ریاست کی جھلکیاں شامل ہیں۔
ان کی کتابیں نو زبانوں میں شائع ہوئی ہیں اور عالمی سطح پر سعودی عرب کے سفارت خانوں، بین الاقوامی کانفرنسوں اور اہم تقریبات میں پیش کی گئی ہیں۔ محمد بابللی کے مطابق بہترین فوٹوگرافی کا راز صرف جدید آلات نہیں بلکہ فوٹوگرافر کی نظر اور بصری سمجھ ہے۔
ان کا سب سے بڑا پروجیکٹ “سعودی عرب کا زمانۂ قدیم” 15 سال میں مکمل ہوا اور اس میں کلچرل ڈیویلپمنٹ فنڈ کا تعاون بھی شامل رہا۔ ان کی فوٹوگرافی نہ صرف تاریخی مقامات کو محفوظ کرتی ہے بلکہ سعودی عرب کی قدیم اور جدید تاریخ کو عالمی سطح پر متعارف کراتی ہے۔