ٹی ٹوئنٹی ورلڈ کپ 2026ء میں بھارت سے شکست کے بعد پاکستانی کرکٹرز پر 50 لاکھ روپے جرمانے کی تجویز سامنے آئی تھی، تاہم پاکستان کرکٹ بورڈ (پی سی بی) نے اس پر ابھی تک عمل درآمد نہیں کیا ہے۔
ذرائع کے مطابق بورڈ مستقبل میں ناقص کارکردگی پر مالی کٹوتی کے امکانات پر غور کر رہا ہے اور عالمی سطح پر ٹیم کی پرفارمنس کے حوالے سے سخت فیصلوں پر بھی سوچ رہا ہے۔
پی سی بی کے چیئرمین نے کھلاڑیوں کو بہترین مراعات فراہم کرنے کے حامی رہنے کے ساتھ پی ایس ایل میں ڈرافٹ کی بجائے آکشن کا نظام بھی متعارف کروایا۔ باوجود اس کے، قومی ٹیم کی حالیہ کارکردگی مایوس کن رہی ہے اور ٹیم سُپر ایٹ مرحلے تک ہی پہنچ سکی۔