ایران نے اپنے جنوبی علاقوں میں آج کے لیے طے شدہ راکٹ لانچ کے حوالے سے نوٹم جاری کر دیا ہے۔ جاری کردہ نوٹم میں پائلٹس، فلائٹ عملے اور فضائی حدود استعمال کرنے والے دیگر افراد کو احتیاطی اقدامات اختیار کرنے اور متعلقہ علاقوں میں محتاط رہنے کی ہدایت کی گئی ہے۔
اسرائیل میں سیکیورٹی ہائی الرٹ ہے اور شہریوں کو بنکرز کے قریب رہنے کی ہدایت کی گئی ہے۔ ایران نے اس ہفتے آبنائے ہرمز میں بحری مشقیں کیں اور جمعرات سے روس کے ساتھ مشترکہ بحری مشقوں کا بھی منصوبہ بنایا گیا ہے۔ ان اقدامات کو خطے میں جاری کشیدگی کے تناظر میں انتہائی اہم قرار دیا جا رہا ہے۔