امریکی ذرائع ابلاغ کے مطابق امریکا نے ایران کے خلاف ممکنہ فوجی کارروائی کی تیاری مکمل کر لی ہے اور دعویٰ کیا جا رہا ہے کہ فوجی اقدامات اس ہفتے کے اختتام تک کیے جا سکتے ہیں۔ تاہم ڈونلڈ ٹرمپ کی جانب سے حتمی فیصلہ تاحال نہیں کیا گیا۔
امریکی حکام کا کہنا ہے کہ جنیوا میں ہونے والے مذاکرات کے بعد توقع ہے کہ ایران تعطل ختم کرنے کے لیے تحریری تجاویز پیش کرے گا۔ اسی تناظر میں مارکو روبیو 28 فروری کو اسرائیل کا دورہ کریں گے جہاں وہ ایرانی معاملے پر بنیامین نیتن یاہو سے بات چیت کریں گے۔
مزید بتایا گیا ہے کہ مشرقِ وسطیٰ میں تعینات امریکی افواج مارچ کے وسط تک مکمل طور پر اپنی پوزیشن سنبھال لیں گی، جبکہ ایران سے متعلق پالیسی پر غور کے لیے وائٹ ہاؤس میں اعلیٰ سطحی اجلاس بھی منعقد ہوا۔