پاکستانی ٹی وی کے سینئر میزبان اور اداکار توثیق حیدر نے عمرہ کے دوران جسم پر موجود ٹیٹوز پر ہونے والی سوشل میڈیا تنقید پر کھل کر مؤقف پیش کیا ہے۔
ایک پوڈکاسٹ میں انہوں نے کہا کہ کی بورڈ کے پیچھے بیٹھا شخص ہر بات کہنے کا حق نہیں رکھتا، اور اگر اللہ تعالیٰ ٹیٹوز کی وجہ سے ناراض ہوتے تو انہیں اپنے گھر بلاتے ہی نہیں۔ انہوں نے تنقید کو نظرانداز کرتے ہوئے بتایا کہ عمرہ کا یہ سفر ان کے لیے ایک روحانی اور ناقابلِ بیان تجربہ تھا۔
توثیق حیدر نے اپنے پہلے عمرہ کے تجربات شیئر کرتے ہوئے کہا کہ حرم شریف پہنچ کر تمام مناسک مکمل کرنے کے بعد انہیں حقیقی سکون اور روحانیت کا احساس ہوا، اور لوگوں کی منفی رائے ان کے تجربے کو متاثر نہیں کر سکی۔