اداکارہ، پروڈیوسر اور میزبان جویریہ سعود نے سوشل میڈیا تنقید اور اپنے حالیہ بیانات پر کھل کر بات کی ہے۔ برطانیہ میں ایک فیشن ایونٹ کے دوران شرکت کے بعد دیے گئے انٹرویو میں انہوں نے کہا کہ منفی تبصرے کرنے والے ہر حال میں اعتراض ڈھونڈ لیتے ہیں، اس لیے وہ ایسے رویوں کو سنجیدگی سے نہیں لیتیں۔
انہوں نے بتایا کہ وہ نئے ڈرامہ منصوبے پر کام کر رہی ہیں اور رمضان ٹرانسمیشن بھی ان کے شیڈول کا حصہ ہے، جسے وہ سیکھنے اور ناظرین سے جُڑنے کا بہترین موقع سمجھتی ہیں۔
لباس پر ہونے والی تنقید کے جواب میں جویریہ سعود نے دو ٹوک انداز اپناتے ہوئے کہا کہ انہوں نے مکمل احتیاط کے ساتھ لباس پہنا تھا اور ذاتی انتخاب پر کسی کو وضاحت دینے کی ضرورت محسوس نہیں کرتیں۔