آزاد کشمیر کے شہر میرپور اور اس کے گردونواح میں موسلادھار بارش کا سلسلہ جاری ہے۔ محکمہ موسمیات کے مطابق وقفے وقفے سے بارش کا امکان آئندہ بھی برقرار رہے گا۔
میرپور کے علاوہ ڈڈیال، چکسواری اور اسلام گڑھ میں بھی بارش ریکارڈ کی گئی ہے، جس سے موسم خوشگوار مگر سرد ہو گیا ہے۔ محکمہ موسمیات کا کہنا ہے کہ آج دن بھر مختلف علاقوں میں ہلکی اور تیز بارش وقفے وقفے سے ہوتی رہے گی۔
ایڈیشنل ڈپٹی کمشنر تحصیل ڈڈیال کے مطابق بارشوں کے باعث پہاڑی علاقوں میں لینڈ سلائیڈنگ کا خدشہ ہے، جبکہ شہریوں کو احتیاطی تدابیر اختیار کرنے کی ہدایت کی گئی ہے۔