پاکستان کی معروف اداکارہ مدیحہ امام نے بھارت میں کام کرنے کے حوالے سے اپنے خیالات کا اظہار کرتے ہوئے کہا ہے کہ فنکاروں کو دنیا بھر میں کام کرنے کی آزادی ہونی چاہیے، لیکن حساس معاملات میں سوچ سمجھ کر فیصلے کرنے چاہئیں۔
اداکارہ نے مزید کہا کہ فنکار پوری دنیا کو ایک بڑے کینوس کی طرح دیکھیں اور جہاں چاہیں اپنی تخلیقی صلاحیتیں پیش کر سکیں، تاہم حالات کی نزاکت کو بھی مدنظر رکھنا ضروری ہے۔
بھارت سے کسی اداکارہ کو پاکستان مدعو کرنے کے سوال پر مدیحہ امام نے کہا کہ اگر ودیا بالن آئیں تو وہ پاکستانی ٹیلی ویژن انڈسٹری کے لیے قیمتی اضافہ ثابت ہوں گی، اور اگر انہیں موقع ملے تو وہ خاص طور پر ودیا بالن کو دعوت دیں گی۔