اسلام آباد اور راولپنڈی سمیت مختلف شہروں میں زلزلے کے جھٹکے

اسلام آباد، راولپنڈی، سوات اور شانگلہ سمیت ملک کے مختلف علاقوں میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت 5.8 ریکارڈ کی گئی جبکہ اس کی گہرائی 159 کلومیٹر تھی۔

ابتدائی اطلاعات کے مطابق زلزلے کے نتیجے میں کسی جانی یا مالی نقصان کی کوئی خبر سامنے نہیں آئی۔ اس سے کچھ دیر قبل تاجکستان اور سنکیانگ کے علاقوں میں بھی 6.1 شدت کے زلزلے کے جھٹکے محسوس کیے گئے تھے۔ زلزلہ پیما مرکز کے مطابق حالیہ زلزلے کا مرکز تاجکستان اور سنکیانگ کا سرحدی علاقہ تھا۔