سعودی عرب کی توانائی کمپنی آرامکو نے جنوری 2026 سے ہائی پرفارمنس اور سپورٹس گاڑیوں کے لیے پیٹرول 98 متعارف کرانے کا اعلان کیا ہے۔ ابتدا میں یہ ریاض، دمام، جدہ اور ان شہروں کو جوڑنے والی اہم شاہراہوں کے پیٹرول پمپس پر دستیاب ہوگا۔
آرامکو کے مطابق پیٹرول 98 خاص طور پر سپورٹس گاڑیوں اور ہائی پرفارمنس انجنز کی ضروریات کو پورا کرنے کے لیے ڈیزائن کیا گیا ہے۔ کمپنی کا کہنا ہے کہ طلب بڑھنے پر اسے دیگر علاقوں تک بھی فراہم کیا جائے گا، جبکہ قیمت کی معلومات اور اپ ڈیٹس کمپنی کی ویب سائٹ پر دیکھی جا سکتی ہیں۔