جماعت اسلامی پاکستان کے نائب امیر لیاقت بلوچ نے کہا ہے کہ امریکی پالیسیوں کے نتائج خود امریکہ کے لیے شرمندگی کا باعث بن رہے ہیں۔ انہوں نے زور دیا کہ فلسطین اور کشمیر جیسے دیرینہ تنازعات متعلقہ عوام کی خواہشات کے مطابق حل ہونے چاہئیں۔
لیاقت بلوچ کے مطابق سوڈان اور صومالیہ میں جاری عدم استحکام کے پیچھے مغربی طاقتوں کا کردار ہے۔ انہوں نے بنگلادیش میں آٹھ جماعتوں کے مشترکہ انتخابی اتحاد کو مثبت پیش رفت قرار دیا اور کراچی سے ڈھاکہ براہِ راست پروازوں کے آغاز کا بھی خیرمقدم کیا۔