وزیر اطلاعات پنجاب عظمیٰ بخاری کا کہنا ہے کہ حکومت بلدیاتی انتخابات کے لیے مکمل طور پر تیار ہے اور صرف الیکشن کی تاریخ کے اعلان کا انتظار ہے۔ ان کے مطابق پنجاب میں ہونے والے تمام ضمنی انتخابات مسلم لیگ (ن) نے جیتے، اسی لیے وہ چاہتے ہیں کہ بلدیاتی الیکشن جلد ہوں۔
انہوں نے کہا کہ احتجاج ہر جماعت کا جمہوری حق ہے، مگر اسمبلی کے اندر قانون شکنی اور بدتمیزی قابلِ قبول نہیں۔ عظمیٰ بخاری کے مطابق اسمبلی میں زبردستی داخل ہونے، دروازے توڑنے اور نامناسب زبان استعمال کرنے کے باوجود حکومت نے تحمل کا مظاہرہ کیا۔
ان کا کہنا تھا کہ بعض جماعتیں سیاسی مکالمے کے بجائے دباؤ ڈالنے اور رعایتیں حاصل کرنے کی کوشش کرتی ہیں، جبکہ حکومت آئینی اور قانونی طریقے سے معاملات آگے بڑھانا چاہتی ہے۔