سرگودھا میں کرائے کے مکان کو خالی کرانے کے دوران صورتحال کشیدہ ہوگئی، جہاں مقامی افراد نے تحصیل آفس کے عملے پر حملہ کر دیا۔ واقعے میں پٹواری کے کپڑے پھاڑ دیے گئے اور سرکاری ٹیم کو مزاحمت کا سامنا کرنا پڑا۔
پولیس کے مطابق واقعے میں خواتین سمیت متعدد افراد ملوث تھے جنہوں نے سرکاری کارروائی میں رکاوٹ ڈالی اور توڑ پھوڑ کی۔ واقعے کا مقدمہ درج کر لیا گیا ہے جبکہ ملزمان کی گرفتاری کے لیے چھاپے مارے جا رہے ہیں۔