پاکستان اور جنوبی افریقہ کے درمیان سیریز کے لیے کمنٹری پینل اور نشریاتی منصوبہ جاری کردیا گیا ہے۔ ٹیسٹ سیریز کے لیے شان پولک، رمیز راجہ، وقار یونس، عامر سہیل اور بازید خان کمنٹری ٹیم میں شامل ہوں گے۔
وائٹ بال سیریز میں جے پی ڈومنی، ورنن فلینڈر، عروج ممتاز اور رمیز راجہ حصہ لیں گے، جبکہ زینب عباس پریزنٹر کے فرائض انجام دیں گی۔
سیریز کی براڈکاسٹ میں 28 کیمرے، بگی کیم، ہاک آئی اور الٹرا ایج ڈی آر ایس سسٹم استعمال ہوگا۔ پہلا ٹیسٹ 12 اکتوبر کو لاہور اور دوسرا 20 اکتوبر کو راولپنڈی میں کھیلا جائے گا۔