پاکستان میڈیکل اینڈ ڈینٹل کونسل نے غیر مجاز کلینیکل پریکٹس کو غیر قانونی قرار دیتے ہوئے اس کے خلاف سخت کارروائی کا عندیہ دیا ہے۔
کونسل کے مطابق صرف رجسٹرڈ ڈاکٹرز اور ڈینٹسٹس ہی علاج اور ادویات تجویز کرنے کے مجاز ہیں، جبکہ غیر متعلقہ افراد کی کلینیکل پریکٹس انسانی صحت کے لیے خطرناک ہو سکتی ہے۔
پی ایم ڈی سی نے وزارتِ صحت کو خط لکھ کر ہدایت کی ہے کہ غیر قانونی طبی سرگرمیوں کو فوری طور پر روکا جائے، کیونکہ اس سے مختلف بیماریوں کے پھیلاؤ کا خدشہ بڑھ سکتا ہے۔