پاکستان انڈر-16 فٹبال ٹیم قازقستان میں ہونے والے یوئیفا بوائز ڈیولپمنٹ ٹورنامنٹ میں شرکت کے لیے روانہ ہو گئی ہے، جو 24 سے 30 اپریل تک منعقد ہوگا۔
یہ پہلا موقع ہے کہ پاکستان کی انڈر-16 ٹیم کو کسی یوئیفا ایونٹ میں حصہ لینے کا موقع ملا ہے۔ اسکواڈ میں ملک بھر سے 19 نوجوان کھلاڑی شامل ہیں، جو اس بین الاقوامی ٹورنامنٹ میں اپنی صلاحیتوں کا اظہار کریں گے۔
فٹبال حکام کے مطابق یہ ایونٹ نوجوان کھلاڑیوں کے لیے بین الاقوامی تجربہ حاصل کرنے کا اہم موقع ہے، جو پاکستان میں فٹبال کے فروغ میں مددگار ثابت ہو سکتا ہے۔