امریکی ریاست میسوری میں ایک 73 سالہ شخص نے پڑوسی کے گھر میں گھس کر فائرنگ کر دی، جس کے نتیجے میں ایک خاتون اور ان کی 17 سالہ بیٹی شدید زخمی ہوئیں اور بعد میں اسپتال میں دم توڑ گئیں۔
پولیس کے مطابق ابتدائی تحقیقات سے معلوم ہوا ہے کہ ملزم شور شرابے کی شکایت کے لیے پڑوسی کے گھر گیا تھا، جہاں بات چیت کے دوران اس نے فائرنگ کر دی۔
واقعے کے بعد پولیس جب ملزم کے گھر پہنچی تو اس نے خود کو بھی گولی مار لی۔ وہ چند روز زیرِ علاج رہنے کے بعد ہلاک ہوگیا۔ حکام نے واقعے کو پڑوسیوں کے درمیان تنازع کا نتیجہ قرار دیتے ہوئے مزید تحقیقات جاری رکھنے کا بتایا ہے۔