امریکی شہر واشنگٹن میں پولیس نے طویل کوشش کے بعد ایک ملزم کو تربیت یافتہ پولیس کتے کی مدد سے گرفتار کر لیا۔
رپورٹس کے مطابق ملزم تقریباً 40 منٹ تک گاڑی میں موجود رہا اور گرفتاری سے بچنے کی کوشش کرتا رہا۔ آخرکار پولیس نے کتے کو گاڑی کی جانب بھیجا، جو کھڑکی کے راستے اندر داخل ہوا اور ملزم کو قابو میں لے لیا۔
پولیس نے ملزم کے خلاف نشے کی حالت میں گاڑی چلانے، گرفتاری سے فرار کی کوشش اور مزاحمت سمیت متعدد مقدمات درج کر لیے ہیں۔ کارروائی کا آغاز شہریوں کی جانب سے خطرناک ڈرائیونگ کی شکایات موصول ہونے کے بعد کیا گیا تھا۔