افغانستان کے سابق رکنِ پارلیمنٹ بکتاش سیاوش نے افغان طالبان پر سخت تنقید کرتے ہوئے کہا ہے کہ ان کی پالیسیوں کا اسلام کی حقیقی تعلیمات سے کوئی تعلق نہیں۔
ایک انٹرویو میں بکتاش سیاوش کا کہنا تھا کہ طالبان اپنے طرزِ عمل کے ذریعے اسلام کو خواتین، تعلیم، فن اور انسانی حقوق کے خلاف پیش کر رہے ہیں۔ انہوں نے یہ بھی دعویٰ کیا کہ طالبان حکومت بعض پسِ پردہ مقاصد کے حصول تک برقرار رکھی جا رہی ہے۔