میانوالی کے علاقے کھگلانوالہ میں بند کار کے اندر دم گھٹنے سے تین بچیوں اور ایک بچے کی جان چلی گئی۔
پولیس کے مطابق چاروں بچے کھیلتے ہوئے ایک کھڑی گاڑی میں داخل ہوئے، جہاں دروازہ لاک ہونے کے باعث وہ باہر نہ نکل سکے۔ کافی دیر تک گاڑی کے اندر محصور رہنے سے ان کا دم گھٹ گیا اور وہ موقع پر ہی جاں بحق ہوگئے۔
اطلاع ملنے پر پولیس نے موقع پر پہنچ کر لاشیں تحویل میں لے لیں اور واقعے کی وجوہات جاننے کے لیے مزید تحقیقات شروع کر دی ہیں۔