کوئٹہ کے علاقے ہنہ اوڑک میں دہشت گردی کے واقعے کے بعد ایئرپورٹ روڈ پر جاری دھرنا وزیرِ اعلیٰ بلوچستان سرفراز بگٹی سے مذاکرات کے بعد ختم کر دیا گیا۔ اس دوران کلی ببری سے اغواء کیے گئے 11 افراد کو بھی بحفاظت بازیاب کر لیا گیا۔ تاہم مانگی ڈیم حملے کے شہداء کے لواحقین کا کوئٹہ اور زیارت میں احتجاج بدستور جاری ہے، جہاں متاثرہ خاندان دہشت گردوں کی فوری گرفتاری اور سخت کارروائی کا مطالبہ کر رہے ہیں۔
