پاکستان تحریک انصاف کی قیادت نے خیبرپختونخوا حکومت کو نئے مالی سال کا بجٹ پیش کرنے کی اجازت دے دی ہے۔ اس فیصلے کے تحت وزیراعلیٰ محمد سہیل آفریدی 19 جون کو صوبائی بجٹ اسمبلی میں پیش کریں گے۔
چیئرمین پی ٹی آئی بیرسٹر گوہر علی خان کے مطابق تمام پارٹی اراکین بجٹ اجلاس میں شریک ہوں گے اور بجٹ کی منظوری کے عمل میں حکومت کا ساتھ دیں گے۔
انہوں نے بتایا کہ پارٹی قیادت بانی پی ٹی آئی سے مشاورت کی خواہاں تھی، تاہم ملاقات نہ ہونے کے باوجود صوبے کے مفاد کو ترجیح دیتے ہوئے بجٹ پیش کرنے کا فیصلہ کیا گیا ہے۔ ان کا کہنا تھا کہ بجٹ عوامی ضروریات اور صوبے کی ترقی کو مدنظر رکھ کر تیار کیا گیا ہے۔