اسلام آباد اور اس کے گرد و نواح میں خراب موسم کے باعث فضائی آپریشن متاثر ہوا ہے، جس کے نتیجے میں ریاض سے آنے والی ایک پرواز کو متبادل طور پر سیالکوٹ ایئرپورٹ پر اتار دیا گیا۔
ایئرپورٹ ذرائع کے مطابق علاقے میں تیز ہواؤں اور بارش کے امکان کے پیشِ نظر احتیاطی اقدامات کیے جا رہے ہیں۔ پرواز اس وقت سیالکوٹ ایئرپورٹ پر موجود ہے اور موسم بہتر ہوتے ہی اسلام آباد روانگی کے لیے تیار رکھی گئی ہے۔ مسافروں کو صورتحال سے مسلسل آگاہ کیا جا رہا ہے جبکہ متعلقہ حکام پرواز کی محفوظ روانگی کے لیے موسم کا جائزہ لے رہے ہیں۔