اقوامِ متحدہ میں ایران کے سفیر امیر سعید ایروانی نے واضح کیا ہے کہ کسی بھی پائیدار معاہدے کے لیے باہمی احترام اور سنجیدہ مذاکرات ضروری ہیں، جبکہ دھمکیوں یا طاقت کے ذریعے نتائج حاصل نہیں کیے جا سکتے۔
انہوں نے کہا کہ ایران نے ہمیشہ اپنے قومی مفادات کے مطابق فیصلے کیے ہیں اور ماضی میں بھی دباؤ کے تحت مذاکرات نہیں کیے۔ ایرانی سفیر کے مطابق ان کا ملک بیرونی دباؤ یا دھمکیوں کے سامنے جھکنے کے بجائے اپنے مؤقف پر قائم رہے گا اور برابری کی بنیاد پر بات چیت کو ترجیح دے گا۔