ماہرین نے خبردار کیا ہے کہ اگر امریکا اور ایران اپنی سخت شرائط پر قائم رہے تو جوہری مذاکرات میں پیش رفت مشکل ہو سکتی ہے۔ امریکی تجزیہ کار ڈوگ بینڈو کے مطابق دونوں ممالک کی ریڈ لائنز ایک دوسرے سے ٹکرا رہی ہیں، جس سے مذاکرات پیچیدہ ہو گئے ہیں۔
انہوں نے کہا کہ کشیدگی کم کرنے اور کسی ممکنہ معاہدے تک پہنچنے کے لیے دونوں فریقوں کو لچک دکھانا ہوگی۔ ان کے مطابق یہ تنازع فوری طور پر حل نہیں ہوگا بلکہ سنجیدہ بات چیت کے لیے مزید وقت درکار ہے۔
ماہرین کا کہنا ہے کہ ایران کے جوہری پروگرام، پابندیوں اور خطے کی صورتحال نے مذاکرات کو انتہائی حساس مرحلے میں پہنچا دیا ہے۔