وفاقی وزیرِ پیٹرولیم علی پرویز ملک نے کہا ہے کہ پیٹرول اور ڈیزل پر عائد لیوی اُن کے پاس نہیں آتی، اس لیے بہتر ہے کہ اس بارے میں اُن سے پوچھا جائے جن کے پاس یہ رقم جاتی ہے۔
اسلام آباد میں گفتگو کرتے ہوئے انہوں نے بتایا کہ بجلی کی بڑھتی طلب اور کھاد کی پیداوار کیلئے توانائی ضروریات پوری کی جا رہی ہیں۔ ان کا کہنا تھا کہ گرمی کے موسم میں ایندھن کی طلب میں اضافہ فطری امر ہے۔
وزیرِ پیٹرولیم نے مزید کہا کہ حکومت پیٹرولیم مصنوعات کے اسٹاکس برقرار رکھنے اور قیمتوں کو مرحلہ وار ڈی ریگولیٹ کرنے پر بھی غور کر رہی ہے، جبکہ اس معاملے کا جائزہ ایف آئی اے بھی لے رہی ہے۔