بھارتی فضائیہ کا ایک جنگی طیارہ تربیتی مشن کے دوران ریاست آسام میں حادثے کا شکار ہو کر تباہ ہو گیا جس کے نتیجے میں جہاز میں سوار دونوں پائلٹ ہلاک ہو گئے۔
فضائیہ کے مطابق سخوئی Su-30MKI طیارہ شام کے وقت جورہاٹ ایئر بیس سے اڑا تھا لیکن کچھ دیر بعد اس سے رابطہ منقطع ہو گیا۔ بعد ازاں تصدیق ہوئی کہ طیارہ جورہاٹ سے تقریباً 60 کلومیٹر دور کاربی آنگلونگ کے علاقے میں گر کر تباہ ہوا۔
حادثے کے بعد فوری طور پر سرچ اینڈ ریسکیو آپریشن شروع کر دیا گیا جبکہ واقعے کی مزید تحقیقات جاری ہیں۔ رپورٹس کے مطابق حالیہ عرصے میں بھارتی فضائیہ کو جنگی طیاروں کے متعدد حادثات کا سامنا بھی کرنا پڑا ہے۔