امریکا نے عالمی تیل مارکیٹ میں دباؤ کے پیش نظر بھارت کو روس سے خام تیل خریدنے کے لیے ایک ماہ کی محدود رعایت دے دی ہے۔ امریکی حکام کے مطابق یہ اجازت صرف ان روسی تیل بردار کارگو تک محدود ہوگی جو پہلے ہی سمندر میں موجود ہیں۔
میڈیا رپورٹس کے مطابق 30 دن کی اس عارضی چھوٹ کا مقصد عالمی تیل سپلائی میں ممکنہ رکاوٹ کو کم کرنا ہے، جبکہ حکام کا کہنا ہے کہ اس اقدام سے روس کو زیادہ مالی فائدہ نہیں ہوگا۔