پاکستانی کرکٹر عماد وسیم نے اپنی بیٹی عنایہ کی سالگرہ کے موقع پر سوشل میڈیا پر تصویر شیئر کرتے ہوئے لکھا: “میری بیٹی کو سالگرہ مبارک، بابا تم سے بہت محبت کرتے ہیں”۔
اس پوسٹ کے جواب میں ان کی سابق اہلیہ ثانیہ اشفاق نے تلخ الفاظ میں ردعمل دیا۔ انہوں نے بیٹی کو اپنی جانب سے سالگرہ کی مبارک باد دی اور لکھا کہ عنایہ ایسے بچپن کی مستحق ہے جو محبت، تحفظ اور استحکام سے بھرا ہو۔
ثانیہ اشفاق نے کہا کہ سوشل میڈیا پر محبت کے پیغامات دینے کے باوجود حقیقی زندگی میں بچوں اور ماں کے لیے تحفظ اور مالی مدد فراہم کرنا ضروری ہے، اور ماں ہمیشہ اپنی بیٹی کی حفاظت کرے گی۔
اس معاملے کے بعد صارفین کی بڑی تعداد ثانیہ اشفاق کے حق میں سامنے آئی اور بیٹی عنایہ کو سالگرہ کی مبارک باد دی، جبکہ ثانیہ کی ہمت کی بھی تعریف کی گئی۔