قازقستان کے صدر قاسم جومارت توکایووف کو وزیراعظم ہاؤس میں سرکاری تقریب کے دوران گارڈ آف آنر پیش کیا گیا۔ وزیرِ اعظم شہباز شریف نے معزز مہمان کا استقبال کیا، دونوں رہنماؤں نے ملاقات میں خیرسگالی کا اظہار کیا۔
تقریب میں دونوں ملکوں کے قومی ترانے بجائے گئے اور صدر توکایووف نے سلامی کے دستے کا معائنہ بھی کیا۔ اس موقع پر وزیرِ اعظم نے قازق وفد کا کابینہ اراکین سے تعارف کروایا۔
صدر توکایووف وزیراعظم کی دعوت پر پاکستان کے دورے پر ہیں اور ان کے ہمراہ اعلیٰ سطح کا وفد بھی موجود ہے۔ دورے کے دوران دوطرفہ تعلقات، مختلف شعبوں میں تعاون اور معاہدوں پر دستخط متوقع ہیں۔