ٹیسٹ سیزن اور فٹنس مسائل: پیٹ کمنز کا ورلڈ کپ سے پیچھے ہٹنے کا فیصلہ

آسٹریلیا کے کپتان پیٹ کمنز نے آئندہ مصروف ٹیسٹ سیزن اور جسمانی مسائل کو مدنظر رکھتے ہوئے ٹی ٹوئنٹی ورلڈ کپ سے علیحدگی اختیار کر لی۔ ان کا کہنا ہے کہ ایونٹ میں شرکت نہ کرنا افسوسناک ہے، تاہم وہ مکمل فٹنس کے لیے کچھ ہفتے آرام کریں گے اور کمر کا دوبارہ معائنہ کروائیں گے۔

کمنز کے مطابق حالیہ میچز میں ٹیم کی کارکردگی توقعات کے مطابق نہیں رہی کیونکہ کئی کھلاڑی بڑی لیگز کے بعد میدان میں اترے اور کچھ انجری سے واپس آئے تھے۔ اس کے باوجود ٹیم کا حوصلہ بلند ہے اور وہ ساتھی کھلاڑیوں سے مسلسل رابطے میں ہیں۔

ان کی جگہ بین ڈارشیوس کو اسکواڈ میں شامل کیا گیا ہے۔ ٹی ٹوئنٹی ورلڈ کپ فروری اور مارچ میں بھارت اور سری لنکا میں کھیلا جائے گا۔