اسلام آباد یونائیٹڈ کے جارح مزاج بیٹر ڈیون کانوے نے کہا ہے کہ پاکستان میں کھیلنے کے دوران ان کے پاس اچھے تجربات اور یادیں جمع ہوئی ہیں اور مستقبل میں بھی وقت شاندار گزرنے کی توقع ہے۔
لاہور میں گفتگو کرتے ہوئے کانوے نے بتایا کہ پی ایس ایل میں کھیلنا بہت خوشگوار رہا، ٹیم کا ماحول دوستانہ ہے اور وہ یہاں طویل عرصے تک کرکٹ کھیلنے کے منتظر ہیں۔ انہوں نے کراچی میں پی ایس ایل کے میچز، بیٹنگ کے لیے بہترین پچز، ہوٹل اور مقامی لوگوں کی مہمان نوازی کی بھی تعریف کی۔