پاکستانی اداکارہ مایا علی نے انسٹاگرام پر جویریہ سعود کے یمنیٰ زیدی کے بارے میں کیے گئے طنزیہ تبصرے پر ردعمل دیتے ہوئے ان کی حمایت کی ہے۔
مایا علی نے لکھا کہ ہمارے اداکار دن رات محنت کرتے ہیں اور اپنی محنت کے لیے عزت کے مستحق ہیں، مگر کبھی کبھی انہیں نیچا دکھانے والے لوگ ہماری ہی انڈسٹری سے نکل آتے ہیں۔ انہوں نے مزید کہا کہ ہر چیز اپنے مقررہ وقت پر ملتی ہے اور ہمیں ایک دوسرے کے لیے کھڑا ہونا چاہیے۔
اداکارہ نے ٹی وی چینلز سے بھی اپیل کی کہ نشر کرنے سے پہلے معلومات کی تصدیق کریں اور اپنے پلیٹ فارمز کو ذمہ داری کے ساتھ استعمال کریں۔