ایرانی پاسدارانِ انقلاب نے دعویٰ کیا ہے کہ 8 سے 22 جولائی کے دوران کیے گئے حملوں میں متعدد امریکی فوجی تنصیبات اور دفاعی نظاموں کو نشانہ بنایا گیا۔
آئی آر جی سی کے ترجمان کے مطابق حملوں میں پیٹریاٹ نظام کے ریڈار، کمانڈ سینٹرز، فضائی دفاعی تنصیبات، ایندھن کے ذخائر، اسلحہ و فوجی سامان کے گودام اور ڈرون ہینگرز کو نقصان پہنچا۔
ایرانی حکام کے مطابق بعض مقامات پر لڑاکا طیاروں اور ہیلی کاپٹروں سمیت دیگر امریکی فوجی اثاثے بھی شدید متاثر ہوئے۔ ایران کا کہنا ہے کہ ان حملوں کا مقصد امریکی فوج کی آپریشنل صلاحیت کو کمزور کرنا تھا۔