لاہور کے علاقے باغبان پورہ میں خستہ حال مکان کی چھت گرنے سے ایک ہی خاندان کے 9 افراد جاں بحق جبکہ 6 زخمی ہوگئے۔ ریسکیو ٹیموں نے لاشیں اور زخمیوں کو اسپتال منتقل کر دیا۔
ذرائع کے مطابق حادثہ اس وقت پیش آیا جب گھر میں بچے کی سالگرہ کی تقریب جاری تھی۔ حالیہ بارشوں سے بچاؤ کے لیے مکان کی اوپری چھت پر مٹی ڈالی گئی تھی، جس کے باعث چھتیں ایک دوسرے پر آ گریں۔
ریسکیو حکام کے مطابق تین منزلہ مکان میں تین بھائی اپنے اہلِ خانہ کے ساتھ رہائش پذیر تھے جبکہ تقریب میں دیگر رشتہ دار بھی موجود تھے۔ دوسری جانب فیصل آباد میں بھی بارش کے دوران مکان کی چھت گرنے سے 2 بچے جاں بحق اور 2 افراد زخمی ہوئے۔