پاکستان کی مردوں کی فٹ بال ٹیم پہلی مرتبہ فیفا کے زیرِ اہتمام آسیان کپ میں شرکت کرے گی، جس کا افتتاحی ایڈیشن ستمبر اور اکتوبر میں منعقد ہوگا۔
پاکستان 14 شریک ٹیموں میں شامل ہے اور آسیان خطے سے باہر مدعو کی جانے والی تین ٹیموں میں بھی شامل ہے۔ پاکستان فٹ بال فیڈریشن کے صدر محسن گیلانی نے اس موقع کو ملکی فٹ بال کے لیے تاریخی پیش رفت قرار دیتے ہوئے کہا کہ یہ ایونٹ قومی ٹیم کو عالمی سطح پر اپنی صلاحیتوں کے اظہار کا اہم موقع فراہم کرے گا۔