انڈونیشیا کے جزیرے سولاویسی کے شہر مناڈو میں ایک ریٹائرمنٹ ہوم میں اچانک آگ بھڑک اٹھی، جس کے نتیجے میں 16 افراد جھلس کر جاں بحق ہو گئے جبکہ تین افراد زخمی ہوئے۔
ریسکیو حکام کے مطابق واقعے کی اطلاع رات گئے ملی، جس کے بعد امدادی ٹیمیں موقع پر پہنچیں۔ آگ لگنے کے وقت کئی بزرگ اپنے کمروں میں موجود تھے، جہاں سے زیادہ تر لاشیں برآمد ہوئیں۔ زخمیوں کو فوری طور پر قریبی اسپتال منتقل کر دیا گیا ہے، جبکہ واقعے کی وجوہات جاننے کے لیے تحقیقات جاری ہیں۔