کراچی کے علاقے بلدیہ نمبر پانچ میں شادی کی ایک تقریب کے دوران فائرنگ کے واقعے میں ایک شخص جاں بحق اور بچے سمیت سات افراد زخمی ہوگئے۔ پولیس کے مطابق فائرنگ کرنے والا ملزم عامر نشے کی حالت میں تھا اور جھگڑے کے بعد اندھا دھند گولیاں چلائیں۔
ہلاک ہونے والے شخص کی شناخت 35 سالہ نوروز خان کے نام سے ہوئی، جو بطور مہمان تقریب میں شریک تھا۔ فائرنگ کے بعد ملزم اپنی گاڑی چھوڑ کر موقع سے فرار ہوگیا، مشتعل افراد نے گاڑی کو جلانے کی کوشش کی لیکن پولیس نے مداخلت کرتے ہوئے گاڑی قبضے میں لے لی۔
موقع سے نائن ایم ایم پستول کے خول بھی ملے ہیں، جبکہ پولیس نے ملزم کی گرفتاری کے لیے کارروائی شروع کر دی ہے۔