لالی ووڈ کی اداکاراؤں ریشم اور دیدار کے درمیان پرانی لفظی جنگ دوبارہ بھڑک گئی ہے۔ دیدار نے ایک پروگرام میں ریشم کو منفی شخصیت قرار دیتے ہوئے کہا کہ وہ دوستوں اور شوبز کے دیگر افراد کو نقصان پہنچاتی ہیں۔
ردعمل میں ریشم نے دعویٰ کیا کہ دیدار کی تنقید دراصل ان کے فلاحی کاموں، خاص طور پر لنگر کی وجہ سے حسد ہے اور انہوں نے بتایا کہ دیدار زیادہ تر کسی کی بہن کے طور پر پہچانی جاتی ہیں۔
اس کے بعد دیدار نے سوشل میڈیا پر اپنی سینڈل کی تصویر شیئر کرتے ہوئے سخت پیغام دیا کہ “میری جوتی بھی معافی نہیں مانگے گی”، جس کے بعد یہ معاملہ آن لائن مزید گرم ہو گیا۔