پشاور کے علاقے حسن خیل میں گیس پائپ لائن پر ہونے والا دھماکا دہشت گردی کا واقعہ قرار دے دیا گیا ہے۔ پولیس کے مطابق دھماکا ریموٹ کنٹرول آئی ای ڈی سے کیا گیا، جس میں ڈیڑھ کلوگرام بارودی مواد استعمال ہوا۔
جائے وقوعہ کے معائنے کے دوران پائپ لائن کے ساتھ نصب کیا گیا ایک اور بارودی مواد بھی بروقت ناکارہ بنا دیا گیا۔ دھماکے کے باعث صوبے کے تین اضلاع میں گیس کی فراہمی عارضی طور پر معطل ہو گئی ہے۔