سابق وزیرِ اعلیٰ خیبر پختونخوا علی امین گنڈاپور نے کہا ہے کہ بانی پی ٹی آئی بالکل صحت مند ہیں اور بشریٰ بی بی کی حالت بھی ٹھیک ہے۔ ڈیرہ اسماعیل خان میں میڈیا سے گفتگو کرتے ہوئے انہوں نے دہشت گردی کی ہر جگہ مذمت کی اور کہا کہ اس چیلنج سے نمٹنے کے لیے عالمی سطح پر مشترکہ حکمتِ عملی ضروری ہے۔
ادھر وزیرِ مملکت برائے داخلہ طلال چوہدری نے دعویٰ کیا ہے کہ بانی پی ٹی آئی کو جیل میں غیر معمولی سہولیات حاصل ہیں، وہ چھ بڑی بیرکس استعمال کرتے ہیں۔ ان کے مطابق پاکستان میں کسی اور قیدی کو باورچی یا ایکسرسائز مشینیں میسر نہیں ہوتیں، مگر بانی پی ٹی آئی کو خصوصی سہولتیں فراہم ہیں۔