ابہا میں بہار کی دلکشی عروج پر، جیکارانڈا کے بنفشی پھولوں نے شہر سجا دیا

عسیر ریجن کے پہاڑی شہر ابہا میں موسم بہار اپنے عروج پر ہے جہاں جیکارانڈا کے درختوں پر کھلنے والے بنفشی پھول شہر کو دلکش منظر میں بدل رہے ہیں۔ سڑکیں، پارکس اور فٹ پاتھ پھولوں سے ڈھک کر قدرتی حسن پیش کر رہے ہیں، جس سے پورا شہر ایک خوبصورت سیاحتی مقام بن گیا ہے۔
رپورٹس کے مطابق ابہا میں جیکارانڈا کے درختوں کی تعداد 14 ہزار سے زائد ہو چکی ہے، جو شہری ماحول کو مزید سرسبز بنانے کی کوششوں کا حصہ ہے۔ ان حسین مناظر کو دیکھنے کے لیے مقامی افراد کے ساتھ ساتھ سیاح اور فوٹوگرافر بھی بڑی تعداد میں شہر کا رخ کر رہے ہیں۔