اکشے کھنہ نے ’رحمان ڈکیت‘ میں کردار کی حقیقی جھلک دکھانے پر زور دیا

بالی ووڈ اداکار اکشے کھنہ نے متنازع فلم ’دھریندر‘ میں لیاری کے رحمان ڈکیت کا کردار نبھانے میں گہری دلچسپی لی۔ کاسٹیوم ڈیزائنر سمریتی چوہان کے مطابق اکشے نے کردار کی حقیقت پسندی کے لیے لباس اور انداز پر خاص توجہ دی، تاکہ اس کی گلی محلوں والی زندگی اور عروج کے مراحل واضح ہوں۔
ابتدائی کاسٹیوم ٹیسٹس میں وہ مطمئن نہیں تھے اور زور دیا کہ لباس کے ذریعے کردار کی مضبوطی اور اصلیت نمایاں ہو۔ اکشے کھنہ نے پٹھانی اسٹائل اور جینز کے امتزاج کی تجویز دی تاکہ فلم میں رحمان ڈکیت کی شناخت اور طاقتور شخصیت درست انداز میں دکھائی جا سکے۔